اخوي والحب

موضوع: اخوي والحب الثلاثاء فبراير 23, 2010 5:55 am

بسم الله الرحمن الرحيم
هذي القصه من زمان ايام وحنا ساكنيين في الندوه
اليوم قصة اخوي عبدالله مع بنت الجيران والقصه حقيقيه ليست من نسج الخيال Wink

عندي أخوي وكان في خامس ابتدائي راسب اربع سنوات والله من الدشاره اللي في رأسه كان اربع وعشرين ساعه في الشوارع ومن حاره لحاره مايجي إلا المغرب كنه عنز
مهبل بأمه يايجيك ثوبه مشقوق يامتضارب مع احد يامفلوق يامضيع نعوله يافي رأسه زعروره مفلوق ياممعوط شعره لازم كل يوم لازم اصابه كنه مصارع
جاب لنا الهم Mad

خذنا على طبعه. ومشينا الامور
والمشكله كل يوم يجلده ابوي بلي الغاز او عيدان الشجر
مرت الايام والشهور على ذالحال اخوي سارح في الشوارع

ومره دخل البيت ثوبه نضيف وشكله مرتب
استغربت أمي وجاي بدري ودخل الحجره وجلس فيها ولا كلم أحد
دخلنا عليه الا انه خام الوساده اللي كلها سعابيل من الوساخه اللي فيه وكانت غرفته في السطح (( قطو)) لاننا طاشينه في السطح نبغى نفتك منه وتعرفون وش يضيع وقته فيه يطب بالخزان يتسبح وطاقته يوم دخلنا انا وامي 000 وجدتي 00 وخالتي 00 وخالتي 00 وابوي واخواني كلهم (( الله من اللقافه)) لقينا لاعبه فيه الهواجيس والتفكير قالت له أمي وشفي وليدي .قال
مافيني شي.
راحت أمي تحط له الغدا...
وحطته قدامنا وجلست أكل وهو ما اكل ........ سكت ( متوقع أنه متهاوش مع أحد كاالعاده)
جاء بكره الولد ماتعدى البيت ....
جاء المغرب طلع نصف ساعه ورجع
الولد تغير معاد يأكل ولا عاد يجلس معنا واربع وعشرين ساعه خام الوسادهتدهورت حال أخوي وبان عليه وأنتبهت أمي
مسكتني أمي وقالت وش في اخوك قلت والله ماادري.
صارت أمي تقراء عليه وتسمي عليه وتشربه ماء مقري عليه 00 مسوينه فأر تجارب اللي توكله مره واللي توكله رشاد واللي توكله حلتيته. وزادة حالته
صارت توديه للمطاوعه يقرون عليه مانفع ودايم وجه رطب من كثر ما تفلو عليه المطاوعه..... تدهورت حاله أخوي من قل الاكل .حتي المويه لين شربها طرشها
حتى امي الله يعظم اجرها راحت تجيب له موز (( قرد)) لانه يحب الموز بس مانفع نزلت اخوي من السطح وصار يوم بينها وبين ابوي
ابوي منقهر
ولا نفع النومه عندها
ضاق صدر أمي . ولا مطوع إلا تفل عليه
وتدخل عليه أمي وهي تصيح (( ياولدي وش فيك . تبغاه يتكلم))
وجلس يتفلسف ذالقروي.... قال لمي
خلوني أموت بهدو . خلوني أموت بسلام . خلوني اطبطب جرحي خلوني اكفكف دموعي لا تبكوني اذا مت فانا شهيد الحب بغيت أسطره يحوم الكبد كلامه
أمي على نياتها بغت تنهبل
قلت يمه أنا اتفاهم معه .............. كلام رجاجيل
جلست اسحبه بالكلام واحاولت أخذ مافي جعبته
المهم بدا يلين
وبد يسرد قصته على وأكتشفت أنه يحب affraid

قلت مافيها شى ويحق لك تحب وانت رجال والنعم فيك .......... أطمئن لكلامي (( مخفه))
طلع من جيبه صوره ((ومسك يدي وهو يرتجف من الخوف وحلفني إن مايدري أحد)) ((حلفت له)
يوم عطاني الصوره
الصوره بولرايد الفوريه القديمه اللي تتزحلق الصور منها
لينا حبيبته سوير جالسه فوق جدار تصور (( أنا احسبها حرامي))) Very Happy

وعليها ذاك الشعر العراده وفوقه بكلتين حمرا واربع الاف توكه غير الشرايط الزرق.... وحاطه بودره (( روج احمر فاقع)) احسبها مأكله كبده نيه)) وحاطه كحل واصل جبهتها (( قسم بلله أبوي احلى منها))
وعليها فرقه فرقتها بساطوره ولابسه دراعه برتقاليه احسبها كنبل ولابسه نعال زبيره
قلت في نفسي كل ساقط له لاقط
المهم قلت مالقيت الا سوير تحبها لانها كانت تلعب معنا كوره في الحاره وكانت دفاع مايمر منها احد تكسره كنها اسامه هوساوي
قال لا تلومني احبها
عرفت السبب وسكت
أمي اللي محيوسه معه ........ في الاخير قالو لها معمول له عمل ((من احد))
وأمي تخاف الله بس بيروح منها الولد ولعبو عليها الحريم
قلت لامي تراها نفوذ مترامية الاطراف على مد البصر(( كني أخوي احب الفلسفه)) مهيب شحنه قلابي بنواسيها
حاولت أمي فيني
قلت مالي إلا أعلمها واريحها (( وأصوم ثلاث تيام))
قلت لها السالفه وطقتني طق لين عضيت الارض وتروح تكمل على أخوي
وبعدها تروح لبيت البنت وتطب فيها وتسحبها من شعرها هههههه من قوي الطق تكسرت بكلها
ورجعت وكملت علينا انا وش دخلني confused

وعقبها عرف عبدالله ((اخوي إن الله حق))
وبعدها اعتدل أخوي

موضوع: رد: اخوي والحب السبت أغسطس 21, 2010 6:12 am

loooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooool

كويس انو اعتدل اخرتها لوووووووول

حلوه قصتيك يا كووول انتي مشكورين ما قصرتي شكرا