ما راح انساك واللي خلق هالكون

هذا ني واقف على قبرك ياقلبي
ودي أحكي ودي أشكي ودي أبكي
وينك بس .. وليه .. ولمن .. تركتيي .. ؟؟
ودي أسمع صوتك ولو بس تناديني ..
قولي بس " أيمن " وجنبك بتلقيني ..
حرام اللي تسوينه ترا فيني ..
ليه رحلتي وغبتي عن عيني .. ؟؟
انتي تسمعيني ردي .. وريحيني !!

تذكرين ياقلبي .. يوم تساليني .. ( أيمن ) من كنت تكلم ؟
واقول اهـ وش زين " أيمن " بصوتك ،،

تزعلين ويتغير صوتك .. وتقولين حبيبي من تكلم ؟
واقول اهـ وش زين "حبيبي" بصوتك ..

وتزعلين علي وما تكلميني ..
واقول آسف .. آسف بغيت اغيضك حبيبي ..

وتقولين .. خلاص زعلت منك لا تكلمني ..
واقول الا انتِ يا قلبي لاتزعلين !!
تزعل الدنيا بكبرها .. بس انتِ لا ..
خلاص توبه .. ما اعيدها ،،

وتضحكيييين واضحك .. وترتفع ضحكتنا ،، لفووق ..
فوووووق ،،
فوووق ..
فوق ..!

كان حبك لي كبير .. مثل (قلبك) .
وكان حبي لك وفي .. بعد مثل (قلبك).
ايه .. مثل قلبك ..
لانه كبير .. وفي .. وطيب ..!!

والا تذكريني لما كنا عند البحر ..
باخر الليل وعلى ضوء القمر ..
نحكي لوحدنا وكان يسمعنا القمر ..
ونحسة ثالثـنا وجالس معنا ..

نقولة قصة حبنا ..
ولهفتنا وشوقنا ..
اهـ يا حلوهـا من ايااام ..

كنت اشوف وجهك والقمر واااحد !!
كنت احس احساسك ونور القمر واحد ،،
كنت اشوف قلبك ولون القمر واحد !!

كنت .. وكنت !!

وش بلاي انا اقول .. كنت !!

ليه انا ويني فيه !!

آهـ يا مي آهـ !!

تصدقين اني نسيت اني بالمقبرة !!
وحدي بهليل الطويل .. اهـ ما اغبرة !!

ودي اسمع منك كلمة قبل ما اروح ،،
انتي فرحانه .. انتي حزينه ..
تفكرين فيني والا خلاص نسيتيني ..

وينك عني اللحين !!
اهـ .. بيذبحني الشووق !!
ودي اني معك اللحين ..
وقبرنا واحد مو قبرين ..

مي انا بعدك اكلم روحي .. !
انا بعدك منتهي .. وانتظر موتي .. !

وينك بس ودي اشوفك ..
ودي اطمن قلبي عن حالك ..

ردي علي تكفين !!
ما ابي اكلم نفسي ..

ردي .. ردي ..

جاوبي صرختي وأنيني ..
تعالي وأشفي حنيني ..

أبطلع من المقبرة يامي ..
لا تخافين برجع لك ..

بروح أجيب هداياك وعطرك ..
ورسايل حبي وحبك ..

أبجمعها كلها قدامي ..
وأشكيلها منك ..
وأعلمهم وش سويتي ..

أبكتب في قفا رسايلك ..
أبيات وهموم ..
ابحكي قصتي على الورق ..
واقولها لكل البشر ..

أبشكي .. أبحكي .. أبي أحد يسمع .. !

ابــبكي .. ابــبكي على حظي ..
حظي اللي ما يعرف الفرح ..

أبكتب وأقول شكوتي ..
رحتي ليه بس علميني ..

أبرجع لك ..
وببكي على قبرك ..
وأنعي حبي وحبك ..

أبدل ثوبي وأرجع ..
ما ودي تشوفيني كذا ..
مابنسى أحط من عطرك ..
عطرك اللي فاقدك ..

لاتوصين ما راح اتأخر جاي ..

والا تدرين .. ليه اروح ?؟

خليني معك ..

ثوبي نظيف .. ماعليه الا تراب قبرك ..
أما عطرك هذا أنا وربي أشمه الحين يفوح بكل المقبرة ..

تدرين وش في بالي ألحين .. ؟
وأنا اناظر للسماء السودا وهالجو الحزين .. !
وإيدي على قبرك ..
وترابك بحظني ..

وعطرك بكل مكان ..
وخيالك قدامي ..
صوتك مايفارقني ..
وطيفك دوم بعيني ..

يطري على بالي .. أنا
ايه .. انــــــا ..

وش ابي بدنيا انتِ مو فيها ..
ليه أعيش وكيف ..

أنا وانتي روحين بجسد ..
كنا وردتين بغصن ..
ما نعيش بدون بعض ..
كنا مثل طيوور الحمَام ..
ننام مع بعض ..
نطير مع بعض ..
نفرح .. نحزن مع بعض ..
وش اسوي بدونك ..
والله اني رحمت حالي ..

اهـ ياضحكتك .. !
والا كلامك .. وملامك .. !
والا طلتك .. !

لا لفيتي .. من قدك ..
ولا لعب الهوى بشعرك ..

ونقش الحنا بكفك ..
وريحة شالك وعطرك ..

كل هذا بعدهـ معي ،، !!
انتي رحتي صحيح .. بس باقية بالقلب ..

القلب اللي حبك وما راح يحب غيرك ..
القلب اللي تعلم من وفا قلبك كثير ..
ومن طيبته واخلاصه كثير ..

ما راح انساك واللي خلق هالكون ..
راح تبقين بالقلب وين ما اكون ..

منقول للشاعر المبدع ايمن البدر

مشكوووووووووووووووووووووووووووووووووووووووووووره

الدلوعه كتب:: مشكوووووووووووووووووووووووووووووووووووووووووووره

العفــــــــــــــو ياقلبي

ثــــــــــــــانكس وانا ماراح انساك بالقلب دوووووم الكليمات الحلوه مشكووورهـ ^^